Monday, November 1, 2010

गजल - मायामा

((प्रेमिल भावका गजलहरु छ्यापछ्याप्ती भएर होला, मैले यस्ता गजललाई कहिले पनि PRIORITY दिईन । केही साथीहरुको आग्रहमा आज प्रेमिल भावको गजल पुरा गरें । ))


देउता खोज्न यता उती, भौतारिदै डुली हिंडें ।

संजोगले तिमी भेटें, त्यही देउता भुली हिंडे ।


या देउतालाई चढाई देऊ, या मनैमा सजाइ देऊ, 

तिम्रै मनको बगैचामा, बेफिक्री म फूली हिंडें ।  



डुल्छु तिम्रै सेरो फेरो, मै रहिन अब मेरो, 
के डर भो र दुनियाँको? म मायामा खुली हिंडे । 


मायाको त वैरी जगै, तिमीविना के ज्युँनु खै, 

कस्ले सक्छ अलग गर्न? म तिमीमै घुली हिंडें ।   



1 comment:

Nelumbium nucifera said...

jitendra bhai .... sarai ramro lekhyau ta..... facebook status rakhe hai maile pani .... timro anumati nalikanai.... aasa chha pakkai pani copyright hanan bhayako chhaina....